2013 წ. 13 დეკემბერს ქ. ვაშინგტონში აშშ-საქართველოს სტრატეგიული პარტნიორობის ქარტიის ფარგლებში გაიმართა ეკონომიკის, ენეგეტიკისა და ვაჭრობის სამუშაო ჯგუფის შეხვედრა.

Oსაქართველოს დელეგაციაში შედიოდნენ სხვადასხვა სამინისტროებისა და უწყებების წარმომადგენლები, ხოლო ამერიკის შეერთებული შტატების მხრიდან სხდომას მასპინძლობდა აშშ-ს სახელმწიფო დეპარტამენტი; ამასთან, შეხვედრაში ჩართულნი იყვნენ აშშ-ს სხვა შესაბამისი სახელმწიფო სამსახურები. საქართველოს დელეგაციის წევრის რანგში აღნიშნულ შეხვედრაში მონაწილეობა მიიღო საქპატენტის თავმჯდომარის მოადგილემ - ეკატერინე ეგუტიამ.

აშშ-სა და საქართველოს ეკონომიკის, ენეგეტიკისა და ვაჭრობის სამუშაო ჯგუფის შეხვედრაზე ერთ-ერთ მნიშვნელოვან თემად მხარეებმა განიხილეს ინტელექტუალური საკუთრების დაცვა და აღსრულება. აშშ-ს წარმომადგენლების მიერ საქპატენტი შეფასდა რეგიონში ერთ-ერთ სანიმუშო და წარმატებულ სახელმწიფო სტრუქტურად.

სამუშაო ჯგუფმა იმსჯელა ორ ქვეყანას შორის ეკონომიკური და სავაჭრო ურთიერთობების გაღრმავებაზე და ამ მიმართულებით დაგეგმა შესაბამისი ღონისძიებები.